Vandræði bankanna

Útrás bankanna hefur ekki farið fram hjá neinum og stærðargráður sprengt alla þá gráðuboga sem ég þekki til. Það fór um mig nettur hrollur um daginn sem Íslandsbankakúnni þegar félagið snarlega reif merkið niður og skipti um nafn. Enda ekki skrýtið þar sem nafnabreytingar á fyrirtækjum í mínum huga standa fyrir allt annað en velgengni. Glitnir lét sig nú ekkert þessa skoðun mína á sig fá og sendi mér geisladisk með hundleiðinlegum lögum á til að blíðka mig. Og ég sem bý í íbúðinni þeirra. Vinkona mín sem á hlut í banka einum fór á aðalfund hans um daginn. Segir nú ekkert af ferðum hennar fyrr en fundurinn er settur og þá er tilkynnt að hann verði haldinn á ensku svo erlendir fundarmenn geti fylgst með tölunum, ég hélt að vísu að tölustafir væru eins á ensku lyklaborði og íslensku, en hvað veit ég svo sem, ég á ekki hlut í neinum banka og því síður tíglamynsturspeysu eins og Lýður Oddson Lottóvinningshafi. Nú þarna í salnum voru sem sagt íslenskir hluthafar sem kannski voru búnir að leggja lömbin sín inní Búnaðarbankann frá því þeir sjálfir voru lömb eða bara farið vel með fermingarpeningana sína og ekki eytt í neina Ipoda eða eða annann nytsaman búnað. Ekki eru allir hluthafar bankans enskumælandi og til hvers að fljúga inn enskumælandi hluthöfum til að hlýða á móðurmálið sitt á Íslandi, Þetta er ekki einhver andskotans ferðaþjónusta, þetta er banki.. Fólk vildi ekki yfirgefa salinn enda er það róttækt óánægjumerki að labba út af hluthafafundi félags sem er að skila yfirnáttúrulegum hagnaðartölum til þeirra og stjarnfræðilegum arðgreiðslum sem fólk skilur ekki. Grunnhagfræði til sveita er: þú setur niður útsæði og reiknar með 5-7 karftöflum af hverju, þú setur hrút á ær og ert mjög ánægður ef undan koma tvö svo frjósemi útsæðis í banka er okkur sveitamönnum algjörleg hulinn. Nú vinkona mín var ekki per sátt við þetta að sitja fundinn á ensku og skilja ekki alla þá frasa og orðaleppa sem sætu strákarnir í langröndóttu jakkafötunum ruddu uppúr sér. Ég sagði nú að mér fyndist ekki mikið að bankinn splæsti í túlk fyrir þá hlutahafa sem þess þyrftu á fundinum fyrst væri nú verið að ómaka sig við að hafa fundinn á Íslandi. Þetta gerðu nú td Sameinuðu Þjóðirnar og allir sætu þar á fundum með heyrnarskjól og kinkuðu kolli til samþykkis ræðumanni. Hún hafði samt orð á því að veitingarnar hefðu verið mjög fínar.

LakkRis

Þá er það komið loksins strákar, okkur er borgið. Konur á öllum aldri hafa verið með alskyns frasa um að súkkulaði hafi bjargað þeim og súkkulaði geri þeim bara gott osfrv. Þetta höfum við strákar á öllum aldri heyrt ótal sinnum á okkar mislöngu lífsleið. Og af einstakri kurteisi kinkað kolli og mesta lagi sagt; já elskan. En nú er það komið sem við höfum verið að bíða eftir og það er þetta að Lakkrís frammkallar mikla löngun til "bólathafna" eða kveikji kulnuð bál. Það er akkúrat þegar ég heyri að svona mikilvægar háskólarannsóknir skila sér til okkar að ég hugsa með mér hvað skólakerfið sé nú gagnlegt og miklivægt sé að útskrifa fleiri og fleiri fræðinga til að vinna að svo mikilvægum rannsóknum sem þessari. Þetta mun herða á lakkrisneyslunni hjá mér það er ég viss um. Svo sitjum við hjónin í sófanum á kvöldin og hámum í okkur lakkrís og súkkulaði og keppnin verður um það konan fái ekki hausverk af súkkulaðinu fyrir háttatímann því þá mun lakkrískrafturinn skila sér á hefðbundinn hátt undann sænginni og ekkert gagn í tilrauninni. Uss ég treysti því að hún frétti ekki af þessu...........................

Áhugafólk og flensur

Jólin kominn og farinn, og nokkuð síðan því fólk hefur verið að ýta í mig með að fara nú að blogga. En ég hef svosem ekkert verið að velta mér uppúr daglegum málum þjóðarinnar. Þar hefur ekkert merkilegt verið að gerast nema eins og fyrridaginn þá eru bankarnir að skjóta skjólshúsi yfir þingmenn og ráðherra. Jú fuglaflensan er á leiðinn til landsins ef blessuð sýktu greyin ná yfir hafið og hingað uppeftir gegn norðan vindinum. Annars er ég ekkert sérlega hræddur við að hún komi hingað því tölur sýna að það deyja fleiri úr kvefi á dag en hafa dáið úr fluglaflensunni frá því hún uppgvötvaðist. Ég hef meiri áhyggjur af JBEN06 faraldrinum sem hrjáir póstþjónustu og leggst ílla á fjölmiðlatengdaaðila. Þessi JBEN06 sýkill berst með skeytum og slúðri. Við fórum á evrópumótið nýkýldir af jólasteikum og urðum svo bensínlausir á síðustu metrunum. Ég dáist af afreksfólki okkar í íþróttum, ekki misskilja mig, málið er að ég get ekkert sjálfur í íþróttum og því leyfist mér að gera grín að hlutum. Sérstaklega dáist ég þó að þeim sem verða sérfræðingar í reglum, þjálfunartækni og öllu sem snýr að þeirri grein sem landar okkar eru að keppa í hverju sinni. Á stórum vinnustað mínum skutu upp kollinum sérfræðingarí handbolta á öðru hverju borði og stútungskonur á miðjum ömmualdri nafngreindu varnar, horna og línumenn liðsins eins og væru þeir þeirra eigin barnabörn. Og ég gapti. Því ég er vitavonlaus í að muna nöfn bara almennt. Ég er viss um að ég hefði getað skipst á passamyndum af þeim við þær. Áhuginn var ótrúlegur og eldur í fólki, sem síðan slokknaði með bensínleysi liðsins í síðustu brekkunni. og það er frábært líka því að þannig lifir maður sig í fylginu og hverfur eins og liðið þegar lánið hverfur. Þá verður að nefna að landslið öldunga í krulli burstaði landslið, júgóslavíu held ég? Þessi íþrótt ætti að heita moppun eða bónun, frekar en krull. Ekki hefur þetta farið hátt, en sjáið þetta að þarna eru allar fyrrnefndar konur í þessum pistli mínum sem vita allt um sveitta línumenn og þrekna varnarjaxla, sérfræðingar á þessu sviði dagsdaglega en nei ekki eitt aukatekið orð um tækni og leikflettur í bónun.